ಸೋಮವಾರ ದಿ.26-09-2022 ರಂದು ಯುರೋಪ್‌ ಸಂಸತ್ತಿನ ಸಂಸದರಾದ ಲಾರ್ಡ್‌ ವೇವರ್ಲೇ ಅವರು ನಮ್ಮ ಸಮಗ್ರಾಭಿವೃದ್ಧಿ ಟ್ರಸ್ಟ್‌ ನ ಕಚೇರಿಗೆ ಆಗಮಿಸಿದ್ದು ನಮಗೆಲ್ಲ ಹೆಮ್ಮೆಯ ವಿಷಯ. ನಮ್ಮ ಸಮಗ್ರಾಭಿವೃದ್ಧಿ ಟ್ರಸ್ಟ್‌ ಮಾಡಿದ ಜನಸೇವೆಗಳು, ನಡೆಸಲಾದ ಉಚಿತ ಉದ್ಯೋಗ ತರಬೇತಿ ಶಿಬಿರಗಳು, ಉಚಿತ ರಕ್ತದಾನ ಶಿಬಿರ, ಸಸಿ ನೆಡುವ ಕಾರ್ಯಕ್ರಮ, ನೈಸರ್ಗಿಕ ವಿಪತ್ತಿನಂತಹ ಪ್ರವಾಹ ಅತಿವೃಷ್ಟಿ-ಅನಾವೃಷ್ಟಿ ಸಮಯದಲ್ಲಿ ನೀಡಿದ ನೆರವಿನ ಹಸ್ತ ಹಾಗೂ ಕೋವಿಡ್-‌19 ರ ಸಂದರ್ಭದಲ್ಲಿ ಬಡವರಿಗೆ ಮತ್ತು ರೋಗಿಗಳಿಗೆ ಕಿಟ್‌ ವಿತರಣೆ ಮಾಡಿರುವ ಕುರಿತು ತಿಳಿದು ಸಂತಸ ವ್ಯಕ್ತ ಪಡಿಸಿದರು. ಈ ಸಂದರ್ಭದಲ್ಲಿ ನಮ್ಮ ಸಮಗ್ರಾಭಿವೃದ್ಧಿ ಟ್ರಸ್ಟ್‌ ನ ಮುಖ್ಯಸ್ಥೆಯಾದ ಡಾ.ಸ್ನೇಹಾ ರಾಕೇಶ್‌ ದಂಪತಿ ಲಾರ್ಡ್‌ ವೇವರ್ಲೇ ಅವರನ್ನು ಸನ್ಮಾನಿಸಿದರು. ಯುರೋಪ್-ಇಂಡಿಯಾ ಸೆಂಟರ್‌ ಫಾರ್‌ ಬ್ಯುಸಿನೆಸ್‌ ಅಂಡ್‌ ಇಂಡಸ್ಟ್ರಿ ಮುಖ್ಯಸ್ಥರಾದ ಶ್ರೀ ಸುಜಿತ್‌ ಎಸ್.‌ ನಾಯರ್‌ ಉಪಸ್ಥಿತರಿದ್ದರು.